اللي على الشمال ده ويلفريد زاها لاعب كريستال بالاس فريق من فرق الوسط او مناطق الهبوط في الدورى الانجليزى زي ما انتوا عارفين وفالمنتخب هو لاعب بديل في البطوله ..
المهم عم زاها نزل من على الدكه لو حد ميعرفوش هيقول انه افضل لاعب افريقي فالعالم مثلا المهم عم زاها نازل يشتم ويزعق للحكم و لاعبينا وشويه كمان كان هيشتم منتخب بلده معندوش مشكله اساسا ..
كمية استعراض وتناكه من لاعب حتى لا ينصف من فئه الافضل في الدوري الانجليزي مفيش مبرر للعبط ده بصراحه داخل تشوط ضربة جزاء فريقك ومتاخر فالنتيجه بدل ما تدعي الاخيره تضيع او تروح تحمس حارس فريقك لا واقف يستعرض ويستفز الجمهور زي العب*يط والله!
المهم شوفتوا لاعب استعراضي مزاجي زي زاها عمل ايه لما نزل ارض الملعب من الغرور والتناكه والت*خلف؟
وتعالى بقى نبوص على اليمين هتلاقي مش مجرد نجم القاره الافريقيه ولا حتى نجم الدوري الانجليزي لا هتلاقي افضل لاعب في العالم حرفيا ..
صلاح الي الكل نازل سلخ فيه ويقولك بيلعب بالشوكه والسكينه و خايف على نفسه ومعرفش ايه؟ متخيل معايا ان افضل لاعب في العالم معملش لقطه ولا راح اعترض على الحكم ولا على اي تدخل ضده؟
متخيل ان صلاح طلع يقول يجماعه خلينا قلب واحد واحنا بنلعب باسم مصر وبيتحايل عالناس تبطل تعصب!
يجماعه والله احنا مش مقدرين قيمة لاعب بحجم محمد صلاح لما تبوص على لاعب عره زي زاها وتشوف بيعمل ايه وبيتعامل مع اللاعيبه ازاي وتبوص على صلاح الي راح جري على ابو جبل و بيعامل اللاعيبه زي اخواته ..
احنا محظوظين اننا الجيل الي عاصر فخر العرب محمد صلاح افضل لاعب في العالم المتواضع الخلوق ❤️
