في بطولة 2019 خرجنا من دور ال 16 قدام جنوب إفريقيا، كل الناس هاجمت صلاح وشيلوه الليلة وكلام من نوعية ياريت تسترجل يا عم صلاح مع المنتخب زي ماني ومحرز ما بيعملوا مع فرقهم.
في ماتش جنوب إفريقيا ده صلاح صنع إنفرادين صريحين لتريزيجيه كان هو والشبكة وضيعهم الاتنين وخرجنا.. بس التريند ساعتها كان إن تريزيجيه مظلوم وعايش في ظل صلاح وبتاع، الناس للأسف مبتحبش تشوف الصورة كاملة.
الماتش اللي فات قدام كوديفوار كنا ممكن نخرج لولا ضربات الجزاء وستر ربنا، برضه صلاح صنع إنفرادين لتريزيجيه تاني، وبرضه ضيعهم.. غير أسيست للسولية وشاطها في السما وأسيست لمرموش.
لو كنا خرجنا .. كان برضه هو اللي هيشيل الليلة.
في 2017 صلاح سجل كل أهدااااف مصر ما عدا اتنين، هو اللي صنعهم، يعني مشارك في كل هدف مصر سجلته.
في كاس العالم لعب بشرخ في الكتف.. وسجلنا هدفين بس.. هو اللي سجلهم.
النهارده بيعمل نفس اللي بيعمله من 5 سنين، شايل المنتخب كالعادة، مفيش أي فرق غير إن باين أوي الضغوط النفسية اللي عليه، لكن عشان تريزيجيه ربنا كرمه وسجلها المرة دي الناس بدأت تدي صلاح حقه.
"عندنا أحسن لاعب في العالم"
كل المنتخبات عارفة ومقدرة قيمة الجملة اللي فاتت دي.. إ
لا قليل منا 👌