لما أبوتريكة إتسأل عن رجل الأوقات الصعبة ؟! اتكلم عن عماد متعب بسبب انه كان حاسم في ماتشات صعبة كتير ...
مع ان نص أهداف أبوتريكة تنحصر ما بين الدقيقة 85 لما بعد الدقيقة 90
لما سعدون الكواري سأل "أبوتريكة" عن أسعد لحظات حياته ؟! رد و قال هدف قفشه فى الزمالك ..
مع ان هدف أبوتريكة فى الصفاقسى 2006 شق سكون الليل من الفرحة - و هدف الفوز على الكاميرون فى نهائي كأس الأمم و اللي تقرييا مفيش مصرى يقدر ينساه - و هدفين في أورلاندو في أمتع نهائي حصل في تاريخ القارة و اللي بيهم الأهلي خد البطولة
أبوتريكة لما اتسأل مين افضل لاعب فى تاريخ النادي الاهلى؟! رد و قال كابتن "محمود الخطيب"..
مع ان ابو تريكة مع الاهلى حقق 5 دورى ابطال افريقيا و 7 دوري و 3 كأس و 4 سوبر أفريقي و 6 سوبر ساهم في 9 بطولات قارية من أصل 21 .. أي ما يقرب من 50% من تاريخ الأهلي الافريقي .. ورغم ذلك قال ان الخطيب هو الأفضل في تاريخ الاهلي !
أبوتريكة قبل كأس امم افريقيا 2019 في ستوديو bein sport قال "مصر لو احتاجت عيني و قلبي انا تحت امرها -
رغم الظلم اللي شافه في بلده و اللي وصل بيه الأمر انه اتمنع من دخول مصر و حتى محضرش مراسم دفن والده
أبوتريكة اللي رفض اهم عرض ليه في تاريخه "عرض الهلال السعودي" بعد المركز السادس في كاس العالم للأندية 2009 وقال "مينفعش الجمهور يساندنا في ازمتنا و انا اسيبهم و امشي"
أبوتريكة اللي رفض لعب بطولة السوبر المصري احتراما لـ الشهداء و تم تغريمه بأكبر غرامة حصلت في تاريخ مصر - لكن قصاد كدا كسب محبة الجمهور الاهم من كل شيء
ابوتريكة اللي فى تاني موسم ليه مع الاهلي حقق الخماسية التاريخية بجانب انجاز تاريخى وقتها و هو الحصول على برونزية كاس العالم للأندية ده غير انه حصل على هداف البطوله برصيد 3 اهداف متفوقا على افضل لاعبي العالم
أبوتريكة اللي كان و ما زال متصدر قائمة هدافى الاهلى فى دورى الأبطال بـ 33 هدف و في القمة بـ 13 هدف ولا ننسى أنه واحد من اصحاب نادى المائة بـ 106 هدف وافضل لاعب داخل قارة افريقيا 4 مرات
ابوتريكة اللي حقق افضل لاعب في مصر في خمس مواسم متتالية و دا ثبات مستوى رهيب صعب يتميز بيه لاعب مصرى فى الوقت الحالى
ابوتريكة لاعب عنده ميزة التواضع جوا الملعب و برا الملعب دايما تلاقيه هادي في الحزن قبل الفرح ، ابتسامته اللي مرسومة على وشه لو غلط او حد عمل معاه فاول ثم بعدها ثرو او تسديدة منه بهدف تنهي الماتش .. و بسبب كدا أبوتريكة كان عملة نادرة و لاعب استثنائى صعب يتكرر
مهما حكيت أو اتكلمت عن أبوتريكة فـ حدث ولا حرج من هنا لبكرا
- 18 سنة مروا على صفقة القرن و أفضل صفقة حصلت داخل جدران النادي ♥️♥️